香脆鬆軟！精選香港6大牛角包

2022年1月17日週一 下午4:58·3 分鐘文章 散發住陣陣嘅牛油香，金黃香脆嘅外層加上一層又一層鬆化嘅酥皮，你話呢個世界上又點會有唔鍾意牛角包嘅人呢～今期開飯仔為大家搜羅咗6間超人氣嘅牛角包，有來自外國嘅過江龍名店、亦有酒店餅房名廚開設嘅麵包專門店同埋一啲本土小店，一齊睇下邊款啱你口味！ 天然無添加麵包 品穀 本土麵包店，由一對藍帶畢業嘅兄弟主理，因為佢哋有感坊間嘅牛角包太多添加劑同防腐劑，所以佢哋嘅麵包店就主打天然無添加。最受歡迎嘅牛角包，選用法國有機麵粉混合日本麵粉同A.O.P牛油，再加上佢哋使用獨特嘅方法摺疊出25層嘅酥皮，除咗香脆鬆軟富牛油香呢啲基本嘢，牛角包比一般更大件同鬆化，口味多樣化如芝麻、抹茶、杏仁口味等。而且由搓麵團、發酵到烘焙完成足足需要三日，誠意滿滿。