U Food - 本地無添加麵包店品穀新推麻糬月餅 伯爵茶曲奇外層+奶黃金沙餡+煙韌椰香麻糬

好快又到中秋節，大家買月餅未呢？本地人氣無添加麵包店「Big Grains 品穀」最近新推麻糬月餅，食厭流心奶黃月餅可以試試，一共有3款口味，分別為伯爵、咖啡及原味曲奇，煙韌控記得要留意喇～ 品穀今個推出了法式三層金沙月，外皮用上法式曲奇皮，配上奶黃金沙餡及軟糯椰香麻糬，麻糬crossover月餅，鍾意煙韌食物的朋友唔可以錯過啊！ 原味以曲奇皮包著奶皇金沙餡料，椰香麻糬清爽不膩；伯爵味加入川寧伯爵茶葉，茶香四溢，啖啖回甘；咖啡味炭燒味較重，更有特別堅果香氣。 因人手製作關係，月餅數量有限，售完即止，可whatsapp 91375381訂購月餅卷，或親臨佐敦及灣仔店購買。 地址：灣仔太和街10-20號福和大廈地下B舖／佐敦白加士街61號地鋪 價錢：$358/盒；早鳥優惠9月1日前$268/盒 *一盒共6個月餅(每款各2) 圖片來源： FB@Big Grains 品穀 ↓↓↓【開箱速遞專區】新登場↓↓↓ ↓↓【2020最新】日本食買玩全攻略↓↓ 歡迎你 like 我哋，取得我哋更新更快嘅資訊！